BSF ନିଯୁକ୍ତିରେ ଅଗ୍ନିବୀରଙ୍କୁ ମିଳିବ ୫୦ ପ୍ରତିଶତ ସଂରକ୍ଷଣ

ନୂଆଦିଲ୍ଲୀ : କେନ୍ଦ୍ର ସରକାର ସୀମା ସୁରକ୍ଷା ବାହିନୀ(BSF)ର ନିଯୁକ୍ତି ବ୍ୟବସ୍ଥାରେ ନିୟମଗୁଡ଼ିକୁ ସଂଶୋଧନ କରିଛନ୍ତି। ସୀମା ସୁରକ୍ଷା ବାହିନୀ ଆଇନ, ୧୯୬୮ ଅନୁଯାୟୀ ପ୍ରଦତ୍ତ କ୍ଷମତା ବ୍ୟବହାର କରି ଏହି ନିଷ୍ପତ୍ତି ନିଆଯାଇଛି। ସୀମା ସୁରକ୍ଷା ବାହିନୀ, ସାଧାରଣ ଡ୍ୟୁଟି କ୍ୟାଡର (ଅଣ-ଗେଜେଟେଡ) ନିଯୁକ୍ତି (ସଂଶୋଧନ) ନିୟମ, ୨୦୨୫ ନାମରେ ନୂତନ ନିୟମ, ଡିସେମ୍ବର ୧୮, ୨୦୨୫ରେ କାର୍ଯ୍ୟକାରୀ ହୋଇଥିଲା।ବିଜ୍ଞପ୍ତିରେ କୁହାଯାଇଛି ଯେ ପ୍ରଥମ ପର୍ଯ୍ୟାୟରେ, ପୂର୍ବତନ ଅଗ୍ନିବୀରମାନଙ୍କ ପାଇଁ ସଂରକ୍ଷିତ ଖାଲି ପଦବୀର ୫୦ ପ୍ରତିଶତ ପାଇଁ ନିଯୁକ୍ତି କରାଯିବ। ଦ୍ୱିତୀୟ ପର୍ଯ୍ୟାୟରେ, ଷ୍ଟାଫ୍ ସିଲେକ୍ସନ୍ କମିଶନ ପୂର୍ବତନ ଅଗ୍ନିବୀରମାନଙ୍କ ବ୍ୟତିତ ବାକି ୪୭ ପ୍ରତିଶତ(ଯାହା ମଧ୍ୟରେ ଦଶ ପ୍ରତିଶତ ପୂର୍ବତନ ସୈନିକ ଅଛନ୍ତି) ଖାଲି ପଦବୀ ପାଇଁ ପ୍ରାର୍ଥୀଙ୍କୁ ନିଯୁକ୍ତି ଦେବ। ବିଜ୍ଞପ୍ତି ଅନୁଯାୟୀ, ସୀମା ସୁରକ୍ଷା ବାହିନୀ, ଜେନେରାଲ ଡ୍ୟୁଟି କ୍ୟାଡର (Non-Gazetted) ନିଯୁକ୍ତି ନିୟମ, ୨୦୧୫ରେ ସଂଶୋଧନ ମାଧ୍ୟମରେ ଏହି ବୃଦ୍ଧି କରାଯାଇଛି। ପ୍ରଥମ ବ୍ୟାଚର ପୂର୍ବତନ ଅଗ୍ନିବୀରମାନେ ବୟସ ସୀମାରେ ୫ବର୍ଷ ପର୍ଯ୍ୟନ୍ତ ଛାଡ଼ ପାଇବେ, ଯେତେବେଳେ ଅନ୍ୟ ପୂର୍ବତନ ଅଗ୍ନିବୀରମାନେ ୩ବର୍ଷ ପର୍ଯ୍ୟନ୍ତ ଛାଡ଼ ପାଇବେ। ଏହି ନିଷ୍ପତ୍ତି ପୂର୍ବତନ ଅଗ୍ନିବୀରମାନଙ୍କୁ ସୁରକ୍ଷା ବାହିନୀରେ କ୍ୟାରିଅର ଗଢ଼ିବା ପାଇଁ ଏକ ବଡ ସୁଯୋଗ ପ୍ରଦାନ କରିବ l