ଟିମ୍ ଇଣ୍ଡିଆ ଟେଷ୍ଟ ଇତିହାସରେ ହାସଲ କଲା ସବୁଠାରୁ ବଡ଼ ବିଜୟ

ନୂଆଦିଲ୍ଲୀ: ମୁଲ୍ଲାନପୁରରେ ଖେଳାଯାଇଥିବା ଏକମାତ୍ର ଟେଷ୍ଟ ମ୍ୟାଚରେ ଭାରତୀୟ ଦଳ ଦମଦାର ପ୍ରଦର୍ଶନ କରି ଆଫଗାନିସ୍ତାନକୁ ଇନିଂସ ଏବଂ ୩୦୦ ରନର ବିଶାଳ ବ୍ୟବଧାନରେ ହରାଇଛି। ଏହା ସହିତ ଭାରତ ନିଜର ୯୨ ବର୍ଷର ଟେଷ୍ଟ ଇତିହାସରେ ଇନିଂସ ଏବଂ ରନ ବ୍ୟବଧାନ ଦୃଷ୍ଟିରୁ ସର୍ବବୃହତ ବିଜୟ ହାସଲ କରିଛି। ପୂର୍ବରୁ ୱେଷ୍ଟଇଣ୍ଡିଜ୍ ବିପକ୍ଷରେ ଥିବା ୨୭୨ ରନର ବିଜୟ ରେକର୍ଡକୁ ଏବେ ପଛରେ ପକାଇ ଦେଇଛି ଟିମ୍ ଇଣ୍ଡିଆ। ଭାରତ ନିଜର ପ୍ରଥମ ଇନିଂସରେ ୮ ୱିକେଟ ହରାଇ ୫୬୪ ରନର ଏକ ବିଶାଳ ସ୍କୋର ଛିଡ଼ା କରିଥିଲା। ଦଳ ପକ୍ଷରୁ ଶୁଭମନ ଗିଲ୍ ଏବଂ କେ.ଏଲ୍. ରାହୁଲ ଚମତ୍କାର ବ୍ୟାଟିଂ କରି ଶତକ ହାସଲ କରିଥିବା ବେଳେ ଋଷଭ ପନ୍ତ ଏବଂ ଯୁବ ତାରକା ସାଇ ସୁଦର୍ଶନ ୮୧ ରନ ଲେଖାଏଁ ଯୋଗଦାନ ଦେଇଥିଲେ। ଶେଷ ଆଡ଼କୁ ୱାଶିଂଟନ ସୁନ୍ଦରଙ୍କ ବିସ୍ଫୋରକ ଅର୍ଦ୍ଧଶତକ ଭାରତର ସ୍ଥିତିକୁ ଆହୁରି ମଜବୁତ କରିଦେଇଥିଲା।