ନୂଆଦିଲ୍ଲୀ: ଜେଏନ୍ୟୁ ପ୍ରଶାସନ ପକ୍ଷରୁ ପୂର୍ବତନ ଛାତ୍ର ତଥା ଜେଲରେ ଥିବା ଉମର ଖାଲିଦଙ୍କ ଏକ ପୁସ୍ତକ ଉପରେ ଆୟୋଜିତ ହେବାକୁ ଥିବା ଆଲୋଚନା ସଭାକୁ ହଠାତ୍ ରଦ୍ଦ କରାଯାଇଛି। ତାସହିତ ଏହି କାର୍ଯ୍ୟକ୍ରମ ପାଇଁ କରାଯାଇଥିବା ଅଡିଟୋରିୟମ ବୁକିଂକୁ ମଧ୍ୟ ପ୍ରଶାସନ ପକ୍ଷରୁ ବାତିଲ କରାଯାଇଛି। ମିଳିଥିବା ଖବର ଅନୁଯାୟୀ, କ୍ୟାମ୍ପସରେ ଉମର ଖାଲିଦଙ୍କ ବହିକୁ ନେଇ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜନ ପାଇଁ ଛାତ୍ର ସଂଗଠନ ପକ୍ଷରୁ ପ୍ରସ୍ତୁତି ଚାଲିଥିଲା। ଏଥିପାଇଁ ବିଶ୍ୱବିଦ୍ୟାଳୟର ଏକ ଅଡିଟୋରିୟମ ମଧ୍ୟ ବୁକ୍ କରାଯାଇଥିଲା। କିନ୍ତୁ କାର୍ଯ୍ୟକ୍ରମର ଠିକ୍ ପୂର୍ବରୁ ପ୍ରଶାସନ ଏହି ବୁକିଂକୁ ରଦ୍ଦ କରିଦେଇଛି। ପ୍ରଶାସନର ଏଭଳି ନିଷ୍ପତ୍ତି ପରେ କ୍ୟାମ୍ପସରେ ଅସନ୍ତୋଷ ବଢ଼ିବାରେ ଲାଗିଛି। ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କ ଏହି ପଦକ୍ଷେପକୁ ବିରୋଧ କରି ଛାତ୍ର ସଂଗଠନଗୁଡ଼ିକ ପ୍ରତିବାଦ କରିବାକୁ ଚେତାବନୀ ଦେଇଛନ୍ତି।
ଉମର ଖାଲିଦଙ୍କ ବହି ଉପରେ ଆଲୋଚନା ସଭା ବାତିଲ, ଜେଏନ୍ୟୁରେ ବଢ଼ିଲା ଅସନ୍ତୋଷ
